प्रेम

अस्ति नै,
उनीहरूले मलाई
प्रेमको बारेमा
धेरै सिकाउन खोजेका थिए ।
र पनि मैले बुझ्न सकिन
कि, प्रेमको बारेमा ।

म सधैं,
प्रेमलाई
तौलिन खोज्थेँ
व्यर्थका चिजहरूसँग
गुन्द्रुकसँग, खोलेसँग ।
र, असारे झरीसँग ।
तर, आज आएर
मलाई थाहा लाग्यो–
प्रेम सागर रहेछ,
सम्राटलाई तयार पारिएको
चौरासी व्यञ्जन रहेछ ।

र, रहेछ
माघमासको एउटा
अति शान्त बर्षा
जसले बेशीमा
शीतलता अनि
लेकमा, एक अञ्जुली
हिमपुरी ल्याएर आउँछ ।
                           ०६१ माघ
Post a Comment

Popular Posts