कथित जिन्दगी थकित भएको छ

आफ्नो पारामा जिऊन नपाईने,
मनखुश गर्न नपाईने
व्यक्तिभन्दाबढि व्यक्तित्वको भ्रमले छोपिएपछि
साँच्चिकै मान्छे हुनै नमिल्ने
हाय ! कथित ज़िन्दगी !
हाय !थकित जिन्दगी !

मुस्कुराउँदा - दम्भ घोप्ट्याएको आरोप लाग्ने डर !
दु:खी हुँदा - पराजित भएकोमा खिसीटिउरी होईने पीर !
बोल्दा - बुझक्कड भएको  आक्षेप खाईने
नबोल्दा - आडम्बरीको पगरी पाईने
हाय ! कथित ज़िन्दगी !
हाय ! थकित जिन्दगी !




Post a Comment

Popular Posts