नांगा नाचहरू (कविता)

डान्सबारमा

यौवनाहरूको

नांगो तर

सुकोमल र पारदर्शी नृत्यप्रति

औला उठाउनेहरू हो

खबरदार ! बन्द गर –

ती बेफ्वाँकका आपत्तिहरू !

तिनले लुटेका छैनन्

गरिप जनताहरूलाई

तिनले लुछेका छैनन्

देशलाई !

त्यसैले,

खबरदार ! बन्द गर –

ती बेफ्वाँकका आपत्तिहरू !

बरू,

सक्छौ भने गर्न

सडक, सदन र सत्तामा

आफ्नो भद्दा अभिष्टहरूको

देखाईरहेछन् – जसले नांगा नाचहरू

सुस्वागतम् ! बुलन्द पार–

तीनका बिरूद्धमा आपत्तिहरू !

तिनले चुसेका छन्

गरिप जनताहरूलाई

तिनले लुटेका छन्

देशलाई !

त्यसैले,

सुस्वागतम् ! बुलन्द पार–

तीनका बिरूद्धमा आपत्तिहरू !

Post a Comment