Skip to main content

एक बिद्रोही कबिको बारेमा

साहित्यकार ध्रुबलाल शर्मा, म्याग्देली साहित्यिक फाँटमा उमेरका हिसाबले चाउरिएका र लेखनका हिसाबले माझिएका ब्यक्ति मानिन्छन् । उनी आफ्नो विद्यार्थी कालदेखि नै नेपाली साहित्यको क्षेत्रमा यसरी गाँजिए कि उनी विज्ञानका एक असल छात्र र इतिहास अनि भुगोलका कुशल शिक्षक हुन् भनेर कमैले मात्र विश्वास गर्ने चरित्रका रुपमा स्थापित हुन पुगे । सामाजिक विसंगती र राजनीतिका खेलाडीहरुले प्रदर्शन गर्ने अराजनीतिक गतिविधीका उनी सबैभन्दा उच्चस्तरको विरोधीका रुपमा चिनिन थाले । उनको लेखन शैली र क्षमतामा पाठकहरु यति विश्वस्त भेटिन्छन्, जब कोही एक व्यक्तिले उनलाई मन नपर्ने केहि गरिदियोस् त उक्त व्यक्तिको प्रवृतिलाई दर्‍हो हुर्मत लिने सामथ्र्य उनको कवितामा छ ! तर यसो गर्दा उनी धेरैपटक चुकेका पनि छन् आफ्ना सृजनाहरूमा । तथापि उनी म्याग्दीको साहित्यलाई यहाँसम्म ल्याई पुर्‍याउनका लागि दिनरात नभनि साधनारत एक इमान्दार साहित्यिक साधक हुन भन्नेमा दुई मत रहदैन् । आफ्नी प्रिय आमा मन्दोदरी शर्माबाट प्रभावित अनि उत्तिकै बढी प्रेरित भएर साहित्यमा लागेको बताउने शर्माले आफ्नो पहिलो साहित्यिक कृति नै आमाको समर्पणमा “आमाको सम्झना” नामङ्कन गरी प्रकाशनमा ल्याए । साहित्यप्रतिको उनको लगाव र कविता लेखनमा रहेको उनको वैशिष्ट्यताको उच्च मूल्याङ्कन गरी उक्त कृति माउण्ट एभरेष्ट आवासीय उच्च मा.वि.ले प्रकाशन गरिदिएको थियो । यतिखेर मलाई, एक व्यक्तिमा हुनुपर्ने व्यवस्थापकिय क्षमता उनीमा पटक्कै छैन् भनिनु उनीप्रतिको सबभन्दा ठूलो न्याय हो भन्ने लागेको छ । नत्र आफ्ना उत्कृष्ट कविता र अन्य साहित्यिक रचनाको पोकोले भरिएका झोला, पाण्डुलिपी कहाँ हरायो, कसरी हरायो भन्ने ख्यालसम्म उनले राख्नु पर्ने हुन्थ्यो । उनले मसँगको थुप्रै भेटमा गुनासो पोखेका छन् – कुन असत्तीले मेरो परिश्रम नै स्वाहा पारिदियो ! तर, मेरो बुझाई छ, एक दुई पाण्डुलिपी चोरिदैँमा उनीभित्रको खुबी रोकिने र समाप्त हुने अवस्थामा थिएन । अतएव ः आफ्नो पहिलो कृति प्रकाशनमा उनले आफ्ना कैयौं पुराना सृजनाहरुलाई सम्झनाको आधारमा पुनर्लेखन गरि समेट्ने प्रयास गरेका छन् । जेहोस् उनीमा रहेको सबभन्दा ठूलो कमजोरी मेरो बुझाईमा, उनले आफ्नो जिन्दगीमा सिक्न नसकेको भनौं वा नचाहेको एउटै कुरा भनेको नै आफ्ना काम र सृजनाहरुको उच्च व्यवस्थापन नै हो । उनका बारेमा लेखिरहँदा, मैले स्नातक गरिरहँदा पढेको एक नाटकको पात्रको अनुभूत गरेको छु । महान नाटककार मोलिएर लेखेको नाटक The Misanthrope को पात्र Alceste को प्रवृतिको नजिक मैले उनको दृष्टिकोण भेटेको छु । नाटकमा पुरुष पात्रको मानव जाति (कुसंस्कार) प्रतिको घृणाको धेरै हद उनको आफ्नो अनुभव हो भन्नेमा मेरो कुनै संशय छैन् किनकी ध्रुवलाल शर्माका थुप्रै कवितामा मैले सामाजिक कुसंस्कार र आफूलाई मानव जाति भएकोमा “जेपनि गर्न पाउने छुट भएको” जस्तो पाखण्डपन देखाउनेहरूका विरुद्ध विरोधका आगो ओकलेको पाएको छु । यसको पुष्टीका लागि मेरो हातमा उनको पछिल्लो कृति “प्रतिच्छाया” छ । र, मैले यो संग्रहमा उनीभित्र रहेको कुसँस्कार विरुद्धको आवाजको प्रष्टिकरणका लागि कविताहरु खोतलिरहनु आवश्यकता नै छैन । संग्रहको पहिलो कवितामा नै उनले “भो भो नसोध मलाई” शिर्षकमा एक महिलाले आफूसँग अन्तरवार्तालाप गर्न आएका संचारकर्मीहरूसँग असहमत हुँदै भनेको भाव छ –

वागिस विगत आफैँ बोल्छ,

मैले केहि बोल्नु छैन्,

दुखाईमा कुल्कनेहरुलाई

 कुनै भेद खोल्नु छैन् ।

कविताको यसरी आरम्भ गरेका उनले कविताभित्र एक सहिदपत्निको व्यथालाई यति तित्ततापूर्वक पोखेका छन् कविता पढ्नेहरुमा एक अज्ञात जोश पैदा गरिदिन्छ – सामाजिक कुसंस्कारको विरुद्धमा आगो ओकल्नलाई !

“धेरैका सिँदुर सहिद भए,

विचरा सहिद !

मालाभित्र मात्र कैद भए”

उनीमा रहेको यस प्रकारको काव्य सामथ्र्य धेरै कममा मात्र हामी पाउन सक्छौं । आफूलाई मन नपर्ने खिस्रिक्क केही भएको उनीभित्रको काव्य सामथ्र्य जुरुक जुरुक भैहाल्छ । अनि कहिलेकाही उनी आफूलाई आफ्नै पहिचानको खोजी गर्न मन लाग्छ । जहिले पनि असहमति र विरोध गरिरहँदा आफ्नो प्रस्तुती समाजमा सधैं निरेपक्षरुपमा पाच्य नहुँदा, उनले आफ्नो पहिचान गुमाएको ठम्माई राख्दछन् । अनि फेरि आफूभित्र आफूलाई खोज्दा फेरि उसैगरी आफूलाई भेट्छन – पीडकका निम्ति बम बन्नुपर्छ पीडितका निम्ति मलम बन्नुपर्छ जहाँ मैले मलाई पाउन सकूँ । घुमिफिरी रुम्जाटार भनेझैं, समाजमा हेपिएका अनि पछाडी पारिएका वर्गबाट उनी आफूलाई कहिल्यै छुटाउन चाहँदैनन् र आफूलाई कुलीन र उच्च वर्ग मान्ने शोषक सामन्तहरुको गरिवपिडक व्यवहारका विरूद्ध युग–युगसम्म लडिरहन प्रेरित गर्नबाट पन्छिदैनन् । हुन पनि उनको पछिल्लो काव्यकृतिमा समेटिएको एउटा कविताको रचनागर्वमा उनले उल्लेख गरेको तथ्यबाट पनि हामी सहजै अनुमान गर्न सक्छौं कि देशमा विद्यमान राजनीतिक संस्कार, प्रवृति र अवस्थाका विरुद्धमा उनमा कति असन्तुष्टि छ । उनले “बूढो चट्टान” कविताको रचनागर्भमा उल्लेख गरेका छन् – नेपालमा लामो समयसम्म जरा गाडेर रहेको सामन्तबादको अन्त्यो भयो तथापि दलका नेताहरुको कायरताले गर्दा सामन्तको नाइके राजालाई ससम्मान दरबार (नागार्जुन) मै स्थानान्तरण गर्न पुगे । सेना दिइयो, कर्मचारी दिइयो, यो दिइयो, त्यो दिइयो ...... र, यही असन्तुटिलाई उनी कवितामा व्यक्त गर्दछन् –

दरिद्र र कायर अगुवाहरु

हरिकङ्गाल भगुवाहरु

 आफ्ना आयतनको दम्भले

हाम्रो अविरल यात्रालाई

दण्डित र खण्डित तुल्याउने चट्टान !

 ससम्मान स्थानान्तरण भयो

वरबाट केहि पर सारियो

चौराहको स्थान बमान पारियो

यसरी समाजमा छरपरष्ट रहेका सामाजिक कुसँस्कार, कुप्रभाव, कुप्रवृती र दबदवाको भण्डाफोर गर्दै एक असल र स्वस्थ समाज निर्माणको सायदै पुरा हुने सपना उनी आफ्नो कवितामा खोजिरहेछन् – ठीक त्यसरी जसरी मोलिएरले लेखेको नाटक The Misanthrope को पात्र Alceste को परिकल्पनामा थियो ! २०६६ माघ २

Comments

लोकप्रिय पोष्टहरू

अनि रोशन भाइले टिपेछन् ६ बाल्टिन बेरी

गएको साल, हेर्दै कलिला देखिने दुई जना ठिटाहरू तिक्कुरिला रेल बिसौनीको कुनामा मस्त चुरोटको पफ लिदैं गरेका बेला, "भाइहरू नेपाली हो ?" भनेर मैले सोधेको थिएँ । मेरो प्रश्न भुँइमा झर्न नपाउँदै, आफूले तान्दै गरेको चुरोट आफ्नो साथीलाई दिदैँ, झन कलिलो देखिने ठिटोले भनेथ्यो, "हो दाई । कसरी पो ठम्याउनु भो ?"  दुई फरक मुहारको बनोट लिएका मानिसहरू सँगै बसेर एउटै चुरोट तान्दैछन् भने ती पक्कै नेपालीहरू हुनुपर्छ, त्यसमाथि तिमीहरू नेपाली मैं बातचित गर्दै थियौ नी त । मेरो जवाफ सुनेपछि त्यो ठिटोले कपाल कन्याउँदै भनेथ्यो, "हाउ दाजु पनि, सारै मजाको पो हुनुहुदोँ रहिछ !" मैले बात मार्न खोज्दा, निसंकोच बात मार्न खोज्ने ठिटो त पूर्वतिरको लिम्बु भाइ रहेछन् । अनि खासै बात मार्न नचाहने चाँहि रहिछन् - काठतिरका बाहुन भाइ ।  त्यो दिन ती भाइहरू हेलसिन्कीबाट सवा घण्टाको रेल यात्रामा पुगिने ठाउँबाट काम पाइने आशामा साथीलाई भेट्न आएका रहेछन् । आफूलाई भेट्न निम्ता दिएको साथीसँग भेट  नभएपछि  कामको खोजीमा हेलसिन्की झरेका उनीहरूलाई  आफू बस्ने ठाउँतिर फर्कने क्रममा मैले भेट्न पुगेको थिएँ । छोटो भ...

घर कहाँ हो दाजुको ?

अन्तिम पटक ह्वाट्स एपकलमा तेर्ह मिनेट कुराकानी भएको ठ्याक्कै तीन महिनापछि ह्वाट्स एपमा तिमीलाई मेरो पछिल्लो ब्लग पोष्टको लिंक साझा गरेथेँ, करिब तीन हप्तापछि आजै बुनेले मीठो टिप्पणीसहितको सन्देश प्रवाह गर्ने क्रममा अम्रिकाबाट सोधी पठायौ, "Dai, I have a question, where is home? Nepal or Finland?" सायदै बुने तिम्रो प्रश्न यत्तिमै मात्र सक्किन्थ्यो भनेपनि मैले सजिलै भनिदिन सक्थेँ होला जसरी हाम्रै म्याग्दीका लोकगायक खड्ग गर्बुजाले आफ्नो ' पिरती ' एल्बमको एक गीतमा सोध्दा प्रश्न, "घर कहाँ हो मायालु?" कति सजिलै जवाफ दिएथीन् गायिकाले, "हिमालको काखैमा ।" तर तिम्रो प्रश्नमा जवाफ मात्र दिएर पुग्थेन्, त्यसले अन्तःस्करणको भाव पनि जान्न चाहन्थ्यो किनकी त्यसमा तिमीले थपेर पठाएथ्यौ - "What is your feeling since you've lived so many years in Finland?" म फिनल्याण्ड टेकेको वर्षदिन पनि त पुगेको थिएन् जतिबेला सन् २०१३ को हिउँदमा फिनल्याण्डमा मलाई पहिलो कामका लागि भनसुन गर्दिनुभएका दाजु राजन सुवेदीले, तिम्रो जत्तिकै गम्भीर त होईन् तर सिधा प्रश्न गर्नु भएथ्...

मेरो एउटा साथी छ (हुनुहुन्छ)

 " नीराजन, मेरो बेस्ट फ्रेन्ड हो ।" जन्मेर २६ वर्ष बिताएको देश नेपालमा मलाई यस्तो भन्ने कोही थिएन् । तर यतै फिनल्याण्ड आइपुगेपछि,  मलाई यस्तो भन्ने एक जना भेट्टिएकी थिइन् ।  जोसँग बसेर एकै कप चिया वा कफि पिएकै थिइँन्, मैले । मनभरीका बह न मैले उनीसँग केहि पोखेकै थिएँ, न त उनले विशेष केही त्यस्त्तो साझा गरेकी थिइन् मसँग । तर मलाई चिन्ने र मसँग सम्पर्कमा रहेका धेरै साथीभाइसँग उनले सुनाउन बिर्सेकी रहिन्छिन् कि निराजन उनको बेस्ट फ्रेन्ड हो ।  यो पढ्दै गर्दा यहाँलाई लाग्ला, कि आफूलाई बेस्ट फ्रेन्ड बताउने साथीका सम्बन्धमा लेख्ता पनि यसले किन भूतकालको प्रयोग गर्यो ? प्रश्न स्वभाविकै हो तर मेरो जवाफ अलिकति अस्वभाविक लाग्न सक्ला यहाँलाई । कि मलाई बेस्ट फ्रेन्ड भन्ने उनको, खासमा म  फ्रेन्ड पनि थिइँन् । न उनी थिइन्, मेरो कुनै त्यस्तो विशेष मित्र । बस्, हाम्रो सामान्य चिनजान मात्र थियो । केहि मानिसहरू हुँदारहेछन्, जो सामान्य चिनजानलाई मित्रताको नाम दिदाँरहिछन्, उनले जस्तै । अनि कोही यस्ता पनि हुँदा रहिछन् कि जोसँग हामी विशेष सामिप्यतामा भएको ठानेका हुन्छौं, तर उनीहरूका ...

क्लोरिनको झोल, वैज्ञानिकहरू र मेरी बोइको मुड्की

मेरो बाल्यकाल लगभग बोईसँगै बित्यो । त्यो चकचक गर्ने समय भएकाले मेरो चकचकसँग बोईलाई बेलाबेलामा झिझो लाग्नु स्वभाविक नै थियो । त्यसैले मैले अति नै अटेर गरेपछि बोईले मलाई भन्नुहुन्थ्यो -  "अहिले गाडूँला मुड्की (मुड्कीले हान्छु) ।" तर अहँ कहिल्यै पनि एक झापड खानुपरेन । मुड्की नै खानु नपरेपछि मेरो चकचक थामिने कुरै थिएन, त्यसैले बोईले पनि मुड्की गाडूँला भन्न छाड्नुभएन अनि मैले चकचक गर्न । मेरी बोईले यस धरा छोडेको पनि यहि हिउँदमा बर्षदिन पुग्दैछ, तर बोईले भन्ने गरेको "अहिले गाडूँला मुड्की" मेरो मनमा गडिरहेको छ, अनि यसो सोच्छु, दुईचार पटक बोईले साँच्चिकै मुड्की गाड्नुभएको भए, मेरा चकचक उहिले पहिले नै खत्तम हुन्थे कि ?  तर खासमा चकचक भन्ने जिनिस त्यत्तिकै खत्तम भएर गैहाल्ने कुरो हैन रहेछ । न त यो उमेर बढ्दै गएपछि आफै घट्दै र पछि निस्तेज नै हुने रहेछ । यसले खासमा उमेर बढ्दै गएर केश पाक्दै गएपनि आफ्नो स्वरूपमा अलिकति फेरिदै तरह तरहका रूपमा प्रकट हुँदै पो जाँदो रहेछ कि ? भन्ने निचोडमा पुगेको छु । यस्तै केहि केश पाक्नै थालेका मान्छेहरूको चकचक कोरोनको त्रास बढ्दै गएपछि अलिकति भि...

बोई, बार्ह वर्षमा खोलो किन फर्किएन् ?

हिजो भर्खर जस्तो लाग्छ, २७ औं वसन्तमा हिड्दै गरेको म विना कुनै योजना देश छाडेर परदेश हिडेको । आज १२ वर्ष नाघिसकेछ, परदेश भनिएको ठाम देशजस्तै अनि देश ठानिएको ठाम परदेशजस्तै भएको । मेरी बोइ भन्नुहुन्थ्यो, "बार्ह बर्षमा खोलो फर्किन्छ ।" बार्है बर्ष वितिसकेछन्, म मान्छे भएर होला सायद आफूले आएको बाटैबाटो घर फर्किन नसकेको ! बोइ नफर्किने गरी गएको पनि ५ वर्ष त नाघिसकेछ, सायद अझै हुनुहुन्थ्यो भने फोन गरेर म सोध्दो हुँ, - बोइ बार्ह वर्षमा खोलो कसरी फर्किन्छ ? सिकाइमाग्दो हुँ फर्किने सुत्र, शिरोपर गर्दो हुँ ती सुत्रहरू र लाग्दो हुँ ढोडेनीको पक्की पुल तरेर किनारै किनार तेर्सिएर घैयारासम्म अनि अलिकति माथि उक्लिएर हाम्रा जिजुको पालादेखिको हाम्रो स्थायी ठेगाना उही ढुंगेपाली टोलमा । छिर्दो हुँ आफ्नै मेहनतले बनाएको साढे दुई तले पक्की घरको दैलोभित्र ।           दिनहरू यस्ता पनि थिए, जहिले म कविताहरू लेख्ने गर्थेँ । मेरा कविताहरूमा देश छाड्नेहरूलाई स्वदेशमैं बस्नु भनेर आव्हान हुने गर्थे । अहिले म तीनै कविताहरूका पात्र बनेर आफैले बाँच्नु परेको परिस्थितीलाई पचाउने प्रयत्न गर्दै...