Skip to main content

रानीपोखरीमा उभिएर नेताहरू

काठमाडौंको रानीपोखरीमा अस्ताउँदो सूर्यलाई आराधना गर्दै भक्तजनहरु सूर्यसँग आफ्नो देशमा आउन नसकेको उज्यालो बिहानी मागिरहेका बेला हाम्रा देशका कथित वरिष्ठ नेताहरुले छठ पर्वको अवसरमा ताइँ न तुईको शुभेच्छा प्रकट गरेका छन् । मलाई लाग्छ यिनीहरुले छठ पर्वको उपलक्ष्यमा देशवासीलाई कस्तो शुभेच्छा प्रकट गरे त भनेर मैले यहाँ जस्ताको तस्तै लेखिदिए भने अ‍ैले ब्लग पढ्दै गर्नुहुने सबैमा हाँसोको फोहोरा छुटन् थाल्छ । शुरु गरौं हाम्रा महामहिम राष्ट्रपति डा. यादवको शुभेच्छाबाट, प्रधानसेनापति कटुवाललाई सेवाबाट बर्खास्त गर्ने तत्कालिन मन्त्रिपरिषदको निर्णय माथि आफ्नो असंवैधानिक कू गरी तत्कालिन समयको सरकारलाई ‘च्यालेन्ज’ गर्ने डा. साबले “समुन्नत नेपालको निर्माणमा अघि बढ्न प्रेरणा” मिलोस भन्ने शुभेच्छा व्यक्त गरेका छन् । आफ्नै अधिकार र कर्तव्यका बारेमा अनभिज्ञ महामहिम साबको शुभेच्छा नेपाली जनताले कसरी स्वीकार गर्ने ? त्यस्तै नेपालको ठूलो दलको हुँकार गर्दै हिड्ने एनेकपा माओवादीका अध्यक्ष प्रचण्डले आफ्ना मूसोलिनी मार्काको जुँगा मुसार्दै “राज्यको पुर्नसंरचनासहितको संविधान निर्माण” होस् भन्ने शुभेच्छा व्यक्त गरेका छन् । विचरा प्रचण्ड सोच्दाहुन् नेपाली जनता त्यति बाठा भैनसकेको परिकल्पनामा मस्त हुनन् । कि, उनको ठूलो पार्टीले संसद अबरुद्ध गरेर बजेट त पास नभएको अवस्थामा नेपाली जनताले कस्तो पुर्नसंरचनासहितको संविधान पाउने हुन् ? किन पुर्नसंरचना चाहियो ? पहिले नै जंगलबास हुँदा राज्य समिति गठन गरेको छ हैं उनको दूरदर्शी पार्टीले ! संरचना त निर्माण भैसकेको छ नि – तमुवान, लिम्बुवान, अबध, खम्बुवान, नेवा अरु के के जाति हो .. ।
सधैं आफ्ना स्थायी समिति सदस्य ओलीसँग सुमधुर सम्बन्ध हुन नसकि पार्टीमा फुटको राजनीति गर्दै हिडेका एमाले अध्यक्ष खनाल चाँहि पार्टी नेता÷कार्यकर्ताभित्र सुदृढ सम्बन्ध निर्माणमा चासो राख्नुको साटो उल्टो नेपाली जनताबीचको “सम्बन्ध सुमधुर र सुदृढ्” होस् भन्ने शुभेच्छा राख्दछन् । यस्तो बेला अध्यक्षज्यूलाई सोध्न मन लागेको छ, ए कामरेड नेपाली जनताबीच कहिले भएको छैन् सम्बन्ध सुमधुर ? बरु आफ्नै पार्टीभित्र त्यसको अभ्यास गरेर देखाऊ ।
आफ्नी ‘कहिँ नभा’की छोरी’ सुजतालाई बडो मेहनत गरी उपप्रधानमन्त्रीमा स्थापित गरि छाड्ने यो देशका सबभन्दा भाग्यशाली नेता गिर्जाबाबु चाँहि देशमा “समयमै संविधान” निर्माण होस् भन्ने शुभेच्छा राख्दछन् । आफू चाँहि संविधान सभाको बैठकमा जाँदै नजाने अनि देशबासीलाई छिटै संविधान पाऊन भनेर शुभेच्छा राख्ने ? यो देशका जनतालाई संविधान कहाँ चाहिएको छ र ? गिरीजाबाबुलाई भन्न मन लागेको छ – तिम्री प्यारी छोरी प्रधानमन्त्री भएको हेर्ने धोको छ हाम्रो । ए, गिर्जाबाबु तिमी बाचुञ्जेल यो देश र जनताले सुख पाउने छाँट मैले देखेको छैन है !
अब कुरा गरौं हाम्रा (कि गिरीजाबावुका) वर्तमान प्रधानमन्त्री माधवकुमार नेपालको । आफ्नो नेतृत्वको सरकारको टिकाउने खेलमा झण्डै ४ दर्जन मन्त्रीहरु नियुक्त गर्ने अहिले सम्मकै नमुना प्रधानमन्त्री नेपालले चाँहि नेपालीहरुको भावनात्मक एकता, सहमति र सहकार्यको राजनीतिक संस्कारको विकास होओस् भन्ने शुभेच्छा प्रकट गरेका छन् । साथीहरु भ्रममा नपर्नुस् यिनले भनेको सहमति र सहकार्यको राजनीतिक संस्कार भनेको घुमाऊरो पारामा यसको अर्थ हुन्छ – निर्वाचन हारेपनि यिनलाई देशको प्रधानमन्त्री बनाउने, अरु पार्टी र त्यसका नेताहरु यिनका पिछलग्गु बन्ने भन्नु नै हो । बिचरा ! यस्ता प्रधानमन्त्रीबाट देश र जनताले चाँहि के अपेक्षा गर्ने ? बरु आऊनुस् हामी सबै भएर यिनीहरुलाई छठको शुभकामना दिऔं – ई भ्रष्ट नेताहरुको सदबुद्धी आओस् !
Labels:

Comments

Post a Comment

प्रतिक्रिया ब्यक्त गर्दा सभ्य र सुसंस्कृत शैली प्रयोग गर्नका लागि सम्पूर्णमा सविनय अनुरोध गर्दछु ।

Popular posts from this blog

बोई, बार्ह वर्षमा खोलो किन फर्किएन् ?

हिजो भर्खर जस्तो लाग्छ, २७ औं वसन्तमा हिड्दै गरेको म विना कुनै योजना देश छाडेर परदेश हिडेको । आज १२ वर्ष नाघिसकेछ, परदेश भनिएको ठाम देशजस्तै अनि देश ठानिएको ठाम परदेशजस्तै भएको । मेरी बोइ भन्नुहुन्थ्यो, "बार्ह बर्षमा खोलो फर्किन्छ ।" बार्है बर्ष वितिसकेछन्, म मान्छे भएर होला सायद आफूले आएको बाटैबाटो घर फर्किन नसकेको ! बोइ नफर्किने गरी गएको पनि ५ वर्ष त नाघिसकेछ, सायद अझै हुनुहुन्थ्यो भने फोन गरेर म सोध्दो हुँ, - बोइ बार्ह वर्षमा खोलो कसरी फर्किन्छ ? सिकाइमाग्दो हुँ फर्किने सुत्र, शिरोपर गर्दो हुँ ती सुत्रहरू र लाग्दो हुँ ढोडेनीको पक्की पुल तरेर किनारै किनार तेर्सिएर घैयारासम्म अनि अलिकति माथि उक्लिएर हाम्रा जिजुको पालादेखिको हाम्रो स्थायी ठेगाना उही ढुंगेपाली टोलमा । छिर्दो हुँ आफ्नै मेहनतले बनाएको साढे दुई तले पक्की घरको दैलोभित्र ।           दिनहरू यस्ता पनि थिए, जहिले म कविताहरू लेख्ने गर्थेँ । मेरा कविताहरूमा देश छाड्नेहरूलाई स्वदेशमैं बस्नु भनेर आव्हान हुने गर्थे । अहिले म तीनै कविताहरूका पात्र बनेर आफैले बाँच्नु परेको परिस्थितीलाई पचाउने प्रयत्न गर्दै...
26 comments
थप यता छ

अनि रोशन भाइले टिपेछन् ६ बाल्टिन बेरी

गएको साल, हेर्दै कलिला देखिने दुई जना ठिटाहरू तिक्कुरिला रेल बिसौनीको कुनामा मस्त चुरोटको पफ लिदैं गरेका बेला, "भाइहरू नेपाली हो ?" भनेर मैले सोधेको थिएँ । मेरो प्रश्न भुँइमा झर्न नपाउँदै, आफूले तान्दै गरेको चुरोट आफ्नो साथीलाई दिदैँ, झन कलिलो देखिने ठिटोले भनेथ्यो, "हो दाई । कसरी पो ठम्याउनु भो ?"  दुई फरक मुहारको बनोट लिएका मानिसहरू सँगै बसेर एउटै चुरोट तान्दैछन् भने ती पक्कै नेपालीहरू हुनुपर्छ, त्यसमाथि तिमीहरू नेपाली मैं बातचित गर्दै थियौ नी त । मेरो जवाफ सुनेपछि त्यो ठिटोले कपाल कन्याउँदै भनेथ्यो, "हाउ दाजु पनि, सारै मजाको पो हुनुहुदोँ रहिछ !" मैले बात मार्न खोज्दा, निसंकोच बात मार्न खोज्ने ठिटो त पूर्वतिरको लिम्बु भाइ रहेछन् । अनि खासै बात मार्न नचाहने चाँहि रहिछन् - काठतिरका बाहुन भाइ ।  त्यो दिन ती भाइहरू हेलसिन्कीबाट सवा घण्टाको रेल यात्रामा पुगिने ठाउँबाट काम पाइने आशामा साथीलाई भेट्न आएका रहेछन् । आफूलाई भेट्न निम्ता दिएको साथीसँग भेट  नभएपछि  कामको खोजीमा हेलसिन्की झरेका उनीहरूलाई  आफू बस्ने ठाउँतिर फर्कने क्रममा मैले भेट्न पुगेको थिएँ । छोटो भ...
18 comments
थप यता छ

घामको आरती पनि घण्टी बजाएरै हुन्छ

पछिल्लो पल्ट ब्लगपोष्ट सार्वजनिक गरेपछि ब्लगै नलेखी बसेको पनि तीन महिना बितिसकेछ । एउटै काममा स्थिरतापूर्वक लागिरहने बानी कहिल्यै परेन मेरो ! यस्तो बेला म मेरा एक मित्रलाई बेस्सरी याद गर्छु । कतिपय ब्लगपोष्टमा उनको नाम मैले उल्लेख गर्दै आएको छु, उनी प्रत्येक पल्ट त्यसमा असहमत हुँदै भन्छ्न् - "ह्या बुढो मान्छे! मेरो नाम आफ्ना पोष्टहरूमा उल्लेख नगर्नुस् न यार ।" उनले जति भनेपनि मैले बेला बेला उनको नाम उल्लेख गर्न छाडेको छैन्, ती मेरा मित्र लक्ष्मी भन्ने गर्छन्, "Consistency is key."  बडो विस्मयको कुरा यो छ कि मेरो मित्रले कुनै बेला (सायद अहिले पनि) बडो आदर्श मान्ने नेता प्रचण्ड सम्भवतः अहिले सम्मको नेपाली राजनैतिक इतिहासमा सबभन्दा बढी अस्थिरताको आरोप लागेका नेपाली नेता हुनुपर्छ । 'यस्ता अस्थिरताका नायक नै आदर्श नेता मान्ने मेरा मित्रका मुखारबिन्दबाट सुनेको भएकै कारण मैले ब्लग लेखनमा स्थिरता कायम गर्ने प्रयत्न नगरेको हुँ' भन्ने मेरो स्वीकारोक्ति हैन् । बरू, मित्रले भन्दाभन्दै पनि उनको नाम उल्लेख गरिराख्ने स्थिरता मैले कायम गरेको छु, जस्तो प्रचण्डले अस्थिर हुने ...
11 comments
थप यता छ